СВЯТОЕ ВОЗЕРА, у Лепельскім р-не. Пл. 0,11 км2. Найбольшая глыбіня 8,7 м. Даўжыня 0,53 км. Найбольшая шырыня 0,34 км. Даўжыня берагавой лініі 1,35 км. Аб′-ём вады 0,52 млн. м3. Пл. вадазбору 3,39 км2. У бас. р. Эса, на заходняй ускраіне г. Лепель. Схілы катлавіны вышынёй 8—14 м (на ПдУ і У 2—3 м), часткова разараныя, на Пд стромкія, параслі лесам. Берагі пераважна зліваюцца са схіламі, на ПнЗ нізкія, тарфяністыя, на 3 участкамі сплавінныя (шырыня сплавіны 6—8 м). На ПнЗ і 3 пойма шырынёй 30—200 м. Дно выслана ілам, уздоўж берагоў пясчанае. Шырыня паласы прыбярэжнай расліннасці 5—20 м.