БЕЛАЯ НАТАПА, рака ў Мсціслаўскім р-не, левы прыток Чорнай Натапы (бас. Дняпра). Даўжыня 50 км. Плошча вадазбоду 235 км2. Сярэднегадавы расход вады ў вусці 1,3 м3/с Сярэдні нахіл воднай паверхні 1,2 %. Пачынаецца за 1,2 км на У ад в. Багацькаўка, вусце каля в. Кашаны. Прытокі — невялікія ручаі і канавы. Даліна складаная, у прырэчышчавай частцы скрынкападобная. Пойма вузкая. Рэчышча звілістае, у вярхоўі на 20,5 км і ў сярэднім цячэнні на 2,9 км каналізаванае- шырыня ў вярхоўі 3— 5 м, ніжэй в. Лапаціна 10—12 м. Берагі абрывістыя, вышынёй 2—3 м.