БАЛВАНКА, Балвань, рака ў Капыльскім і Клецкім р-нах, левы прыток Лані (бас. Прыпяці). Даўжыня 15 км. Пл. вадазбору 69 км2. Сярэдні нахіл воднай паверхні 2,1 %. Пачынаецца за 1 км на ПнУ ад в. Браткава Капыльскага р-на, цячэ па раўніне, якая акружае Капыльскую граду. Упадае ў Лань за 1 км на 3 ад в. Рубеж Клецкага р-на. Рэчышча на ўсім працягу каналізаванае. На рацэ каля в. Заполле Клецкага р-на створана сажалка пл. 16 га.