БАТЫЎЛЯ, рака ў Лельчыцкім і Ельскім р-нах, левы прыток Славечны (бас. Прыпяці). Даўжыня 36,5 км. Пл. вадазбору 734 км2. Сярэднегадавы расход вады ў вусці 3,2 м3/с Сярэдні нахіл воднай паверхні 0,3 %. Пачынаецца за 2,5 км на ПнУ ад в. Заброддзе Лельчыцкага р-на, цячэ па раўніне Мазырскае Палессе. Упадае ў Славечну каля в. Кузьмічы. Асноўны прыток — канал Валаўскі (справа). Даліна слабавыразная, месцамі адсутнічае, шырынёй 0,8— 1,6 км. Пойма вузкая, забалочаная. Рэчышча на ўсім працягу каналізаванае. У пойме ракі каля в. Зашыр′-е наліўная сажалка пл. 20 га.