ЧОРНАЯ НАТАПА, рака ў Мсціслаўскім і Крычаўскім р-нах, правы прыток р. Сож (бас. Дняпра). Даўжыня 49 км. Пл. вадазбору 464 км2. Сярэднегадавы расход вады ў вусці 2,8 м3/с Сярэдні нахіл воднай паверхні 1,1 %. Пачынаецца за 2 км на Пн ад в. Пячкавічы Мсціслаўскага р-на, вусце за 1,5 км на Пд ад в. Сялец Крычаўскага р-на. Цячэ па Горацка-Мсціслаўскай і Аршанска-Магілёўскай раўнінам. Асноўны прыток — р. Белая Натапа (злева). Рэчышча на працягу 7 км паміж вёскамі Бяльшец і Сычоўка Мсціслаўскага р-на і ніжэй в. Кашаны Крычаўскага р-на (2,4 км) каналізаванае.