ДЗЯТЛАЎКА, Дзянцелка, Зітала, Памарайка, рака ў Дзятлаўскім р-не, левы прыток Моўчадзі (бас. Нёмана). Даўжыня 26 км. Пл. вадазбору 151 км2. Сярэдні нахіл воднай паверхні 2,1 %. Пачынаецца каля в. Юравічы, у межах Навагрудскага ўзвышша цячэ праз г.п. Дзятлава, упадае ў Гезгальскае вадасховішча (на р. Моўчадзь) на паўднёва-ўсходняй ускраіне в. Гезгалы. На ўсім працягу каналізаваная. Каля в. Нагародавічы створана сажалка (пл. 0,06 км2).