ГАРАДНІЦА, Гарадзея, Гарадзейка, рака ў Нясвіжскім р-не, левы прыток Ушы (бас. Нёмана). Даўжыня 11 км. Пл. вадазбору 24 км2. Сярэдні нахіл воднай паверхні 3 %. Пачынаецца на ПнЗ ад в. Малаеды, цячэ ў межах Капыльскай грады, упадае ва Ушу на ПнУ ад в. Ёськавічы. На працягу 9,1 км каналізаваная (ад паўночна-ўсходняй ускраіны в. Малаеды да вусця), у сярэднім цячэнні прымае сцёк з сеткі меліярацыйных каналаў. У выніку меліярацыі вусцевая частка ракі атрымала новае рэчышча. У вярхоўі створана сажалка (пл. 0,16 км ).