КУБЛЯ, рака ў Мядзельскім р-не, у бас. Віліі. Даўжыня 13 км. Пачынаецца на Пд ад в. Суднікі, упадае з Пн у воз. Баторына. На ўсім працягу каналізаваная. У вытоку магчымы пераліў у р. Зелянуха. КУДРА, меліярацыйны канал у Гродзенскім р-не, правы прыток Пыранкі (бас. Нёмана). Даўжыня 6 км. Пачынаецца за 1,5 км на ПдЗ ад в. Рыдзялі, упадае ў Пыранку на ПдЗ ад в. Губінка. Прымае сцёк з сеткі меліярацыйных каналаў.