ЛАХВІЦА, рака ў Бялыніцкім і Магілёўскім р-нах, правы прыток р. Лахва (бас. Дняпра). Даўжыня 19 км. Пл. вадазбору 75 км2. Сярэдні нахіл воднай паверхні 1,1 %. Пачынаецца за 2,5 км на ПнЗ ад в. Ермалавічы Бялыніцкага р-на, вусце за 0,5 км на ПдЗ ад в. Савасцянавічы Магілёўскага р-на. Рэчышча каналізаванае на працягу 5,5 км (выток — 0,6 км ніжэй моста каля паўднёвай ускраіны в. Ермалавічы). На рацэ каля в. Мікіцінічы Магілёўскага р-на плаціна і сажалка (пл. 12 га).