ЛАСАСІНА, рака ў Віцебскім і Лёзненскім р-нах, правы прыток р. Сухадроўка (бас. Зах. Дзвіны). Даўжыня 30 км. Пл. вадазбору 158 км2. Сярэднегадавы расход вады ў вусці 1 м3/с. Сярэдні нахіл воднай паверхні 1,7 %. Пачынаецца на заходніх схілах Віцебскага ўзвышша з воз. Запецкае за 1,8 км на 3 ад в. Цішкава Віцебскага р-на, вусце за 0,3 км на Пн ад в. Буракі Лёзненскага р-на. Даліна пераважна трапецападобная, пойма шырынёй 200—4300 м. Рэчышча ў ніжнім цячэнні моцназвілістае.