ЛАСОСНА, Ласасянка, рака ў Гродзенскім р-не, левы прыток Нёмана. Даўжыня 46 км. Пл. вадазбору 468 км2. Сярэднегадавы расход вады ў вусці 2,8 м3/с. Сярэдні нахіл воднай паверхні 1,1 %. Пачынаецца ў Польшчы, непадалёку ад в. Брузгі перасякае дзяржаўную граніцу, упадае ў Нёман на заходняй ускраіне Гродна. Асноўныя прытокі на Беларусі — Каменка (справа) і Татарка (злева). Даліна выразная. Пойма перарывістая, у верхнім цячэнні адкрытая, шырынёй 50— 150 м. Рэчышча звілістае, яго шырыня ў межань ад 5—10 м у верхнім і сярэднім цячэнні, да 20—25 м у ніжнім. На рацэ ў нізоўі створана вадасховішча Юбілейнае возера, каля в. Каробчыцы — 2 сажалкі.