РУДЗЕЯ, Рудзейка, рака ў Магілёўскім і Чавускім р-нах, правы прыток р. Раста (бас. Дняпра). Даўжыня 40 км. Пл, вадазбору 318 км2. Сярэднегадавы расход вады ў вусці 1,8 м3/с. Сярэдні нахіл воднай паверхні 0,9 %. Пачынаецца на паўночнай ускраіне в. Макоўня Магілёўскага р-на, вусце ў межах в. Цемналессе Чавускага р-на. Асноўны прыток &mdash- р. Чарняўка (справа). Цячэ па Аршанска-Магілёўскай раўніне. Даліна трапецападобная, шырынёй 0,2&mdash-0,5 км, у асобных месцах да 1 км. Пойма перарывістая, чаргуецца па берагах (шырыня 0,1&mdash- 0,15 км). Рэчышча на працягу 7,9 км ад вытоку каналізаванае, ніжэй па цячэнню звілістае.