ВЕДЗЬМА, Вядзьмянка, рака ў Нясвіжскім і Ляхавіцкім р-нах, левы прыток Шчары (бас. Нёмана). Даўжыня 35 км. Пл. вадазбору 267 км2. Сярэднегадавы расход вады ў вусці 1,6 м3/с Сярэдні нахіл воднай паверхні 0,8 %. Пачынаецца каля в. Слабада Нясвіжскага р-на, упадае ў Шчару на ПнУ ад в. Задвор′-е. Асноўны прыток р. Шавялёўка. Даліна невыразная. Пойма двухбаковая, у сярэднім цячэнні забалочаная, яе шырыня 300—700 м. На працягу 18,9 км рэчышча каналізаванае: ад вытоку да в. Сваятычы (9,5 км) і ад вусця Шавялёўкі да г. Ляхавічы (9,4 км). Шырыня рэчышча ў межань 2—10 м. У пойме меліярацыйныя каналы, каля в. Кавалі сажалка (пл. 0,15 км2).