ВЯРХІТА, рака ў Дубровенскім і Лёзненскім р-нах у бас. Зах. Дзвіны. Даўжыня 28 км. Пл. вадазбору 266 км2. Сярэдні нахіл воднай паверхні 0,7 %. Пачынаецца за 1 км на Пн ад в. Пятрыкі Дубровенскага р-на, цячэ па Лучоскай нізіне праз азёры Афанасьеўскае і Казённае, пераважна ў лясістай мясцовасці. Упадае ў воз. Зелянское з У на тэрыторыі Лёзненскага р-на. Прытокі Бабровіца і Лютыня (справа). Рэчышча ад вытоку да в. Шэкі на працягу 9 км каналізаванае.