ВЕРХНЯЯ РЫТА, рака ў Маларыцкім р-не, правы прыток р. Маларыта (бас. Зах. Буга). Даўжыня 24,5 км. Пачынаецца з воз. Крымна (Украіна), у межах Маларыцкага р-на выкарыстоўваецца як водапрыёмнік меліярацыйнай сістэмы «Вір» і крыніца арашэння. Асноўны сцёк накіраваны ў Маларыту, пры неабходнасці частку сцёку накіроўваюць у р. Рыта, якая мае самастойны вадацёк. Рэчышча каналізаванае на ўсім працягу.