ВЫПРАТА, Малінаўка, рака ў Лагойскім і Вілейскім р-нах, левы прыток Іліі (бас. Віліі). Даўжыня 19 км. Пл. вадазбору 79 км2. Сярэдні нахіл воднай паверхні 2,5 %. Пачынаецца каля в. Выпраты Лагойскага р-на, цячэ па паўночных схілах Мінскага ўзвышша, упадае ў Ілію за 2 км на Пн ад в. Сакалоўка. На працягу 3 км каналізаваная (на У ад в. Сакалоўка да вусця). Каля в. Калачы (на рацэ) і на ПнУ ад в. Сакалоўка (у пойме) створаны сажалкі.