ЗМЕЙКА, Д з в е я, рака ў Баранавіцкім і Карэліцкім р-нах, левы прыток Ушы (бас. Нёмана). Даўжыня 26 км. Пл. вадазбору 190 км2. Сярэдні нахіл воднай паверхні 1,6 %. Пачынаецца за 1,5 км ад в. Стайкі Баранавіцкага р-на, у лясным урочышчы Галубоўшчына, упадае ва Ушу на заходняй ускраіне в. Малая Мядзведка. У вярхоўі прымае сцёк з густой сеткі асушальных каналаў і 2 прытокаў з аднайменнай назвай. На працягу 14,5 км каналізаваная (ад вытоку да паўночнай ускраіны в. Шчарбовічы).