ГУСТАТКА, рака ў Браслаўскім і Шаркоўшчынскім р-нах, правы прыток Кулажкі (бас. Зах. Дзвіны). Даўжыня 24 км. Пл. вадазбору 268 км2. Сярэдні нахіл воднай паверхні 0,7 %. Выцякае з воз. Густаты, цячэ па заходняй частцы Полацкай нізіны. Асноўныя прытокі Корынка (справа) і Белая (злева). Упадае ў Кулажку (левы прыток Янкі) за 1 км ад паўночна-заходняй ускраіны г.п. Шаркоўшчына. Рэчышча ад вытоку на працягу 8,7 км каналізаванае.