Ислочь

ІСЛАЧ, рака ў Мінскай і Гродзенскай абласцях, левы прыток Бярэзіны (бас. Нёмана). Даўжыня 102 км. Пл. вадазбору 1330 км2. Сярэднегадавы расход вады ў вусці каля 10 м3/с. Сярэдні нахіл воднай паверхні 1,9 %. Пачынаецца каля в. Глушынцы Дзяржынскага р-на, цячэ ў межах Мінскага ўзвышша, у ніжнім цячэнні праз Налібоцкія лясы. Упадае ў Бярэзіну на ПдУ ад в. Бакшты Іўеўскага р-на. Асноўныя прытокі: Выганічанка, Цецяроўка, Волма (злева), Яршоўка, Пяршайка, Валожынка (справа). Даліна ў вярхоўі трапецападобная, глыбока ўрэзаная- у сярэднім цячэнні скрынкападобная, шырынёй 300&mdash- 500 м. Пойма ў вярхоўі роўная, шырыня яе 30&mdash-50 м, у нізоўі паступова расшыраецца да 2 км, месцамі забалочаная. Рэчышча звілістае, зарэгулявана 3 плацінамі- яго шырыня 10&mdash- 40 м. На ўсім працягу трапляюцца невялікія астравы. Берагі стромкія, абрывістыя. Замярзае ў пачатку снежня, крыгалом у пачатку сакавіка. Адна з нямногіх рэк Беларусі, у якой водзіцца стронга ручаёвая. Лясныя масівы абапал ракі, маляўнічасць і хуткае цячэнне вабяць турыстаў, у т. л. воднікаў.